جو عمر تیری طلب میں گنوائے جاتے ہیں — سیماب اکبر آبادی
شاعر
جو عمر تیری طلب میں گنوائے جاتے ہیں
جو عمر تیری طلب میں گنوائے جاتے ہیں
کچھ ایسے لوگ بھی دنیا میں پائے جاتے ہیں
لگاؤ ہے مری تنہائیوں سے فطرت کو
تمام رات ستارے لگائے جاتے ہیں
سمائی جاتی ہیں دل میں وہ کفر بار آنکھیں
یہ بت کدے مرے کعبے پہ چھائے جاتے ہیں
سمجھ حقیر نہ ان زندگی کے لمحوں کو
ارے انہیں سے زمانے بنائے جاتے ہیں
ہیں دل کے داغ بھی کیا دل کے داغ اے سیمابؔ
ٹپک رہے ہیں مگر مسکرائے جاتے ہیں
Jo umr teri talab mein ganwaye jate hain
Jo umr teri talab mein ganwaye jate hain
Kuch aise log bhi duniya mein paaye jate hain
Lagao hai meri tanhaiyon se fitrat ko
Tamaam raat sitare lagaye jate hain
Samayi jaati hain dil mein wo kufr-baar aankhen
Ye but-kade mere kaabe pe chhaye jate hain
Samajh haqeer na in zindagi ke lamhon ko
Arre inhe se zamane banaye jate hain
Hain dil ke daagh bhi kya dil ke daagh aye Seemab
Tapak rahe hain magar muskuraye jate hain
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں