کمال علم و تحقیق مکمل کا یہ حاصل ہے — سیماب اکبر آبادی
شاعر
کمال علم و تحقیق مکمل کا یہ حاصل ہے
کمال علم و تحقیق مکمل کا یہ حاصل ہے
ترا ادراک مشکل تھا ترا ادراک مشکل ہے
یہ ویرانی تصور کی وہ رنگینی خیالوں کی
کبھی محفل میں خلوت ہے کبھی خلوت میں محفل ہے
وہ آئینہ ہو یا ہو پھول تارہ ہو کہ پیمانہ
کہیں جو کچھ بھی ٹوٹا میں یہی سمجھا مرا دل ہے
اجالا ہو تو ڈھونڈوں دل بھی پروانوں کی لاشوں میں
مری بربادیوں کو انتظار صبح محفل ہے
وہ دل لے کر ہمیں بے دل نہ سمجھیں ان سے کہہ دینا
جو ہیں مارے ہوئے نظروں کے ان کی ہر نظر دل ہے
وہ اے سیمابؔ کیوں سرگشتۂ تسنیم و جنت ہو
میسر جس کو سیر تاج ہے جمنا کا ساحل ہے
Kamal-e-ilm o tehqeeq-e-mukammal ka yeh hasil hai
Kamal-e-ilm o tehqeeq-e-mukammal ka yeh hasil hai
Tera idraak mushkil tha tera idraak mushkil hai
Yeh veerani-e-tasawwur ki wo rangeeni khayalon ki
Kabhi mehfil mein khalwat hai kabhi khalwat mein mehfil hai
Wo aaina ho ya ho phool taara ho ke paimana
Kahin jo kuchh bhi toota main yehi samjha mera dil hai
Ujala ho to dhoondhoon dil bhi parwanon ki lashon mein
Meri barbaadiyon ko intezar-e-subah-e-mehfil hai
Wo dil le kar humein be-dil na samjhein un se keh dena
Jo hain maare hue nazron ke un ki har nazar dil hai
Wo aye Seemaab kyun sargishta-e-tasneem o jannat ho
Mayassar jis ko sair-e-taaj hai Jamuna ka saahil hai
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں