کھو کر تری گلی میں دل بے خبر کو میں — سیماب اکبر آبادی
شاعر
کھو کر تری گلی میں دل بے خبر کو میں
کھو کر تری گلی میں دل بے خبر کو میں
فکر خودی سے چھوٹ گیا عمر بھر کو میں
سازش بقدر ربط تھی طور و جمال میں
سمجھا ہوں آج عقدۂ سنگ شرر کو میں
اب ہے تو مستقل ہو فروغ شب وصال
ایسا نہ ہو چراغ جلاؤں سحر کو میں
صحرا سے بار بار وطن کون جائے گا
کیوں اے جنوں یہیں نہ اٹھا لاؤں گھر کو میں
جھوما کیا سرور سے سیمابؔ رات بھر
دیکھا کیا کسی کی نشیلی نظر کو میں
Kho kar teri gali mein dil be-khabar ko mein
Kho kar teri gali mein dil be-khabar ko mein
Fikr-e-khudi se chhoot gaya umr bhar ko mein
Sazish baqadr-e-rabt thi toor-o-jamaal mein
Samjha hoon aaj uqda-e-sang-e-sharar ko mein
Ab hai to mustaqil ho farogh-e-shab-e-wisaal
Aisa na ho chiragh jalaun sehar ko mein
Sehra se baar baar watan kaun jaayega
Kyon aye junoon yahin na utha laun ghar ko mein
Jhooma kiya suroor se Seemab raat bhar
Dekha kiya kisi ki nasheeli nazar ko mein
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں