محفل عشق میں جب نام ترا لیتے ہیں — سیماب اکبر آبادی
شاعر
محفل عشق میں جب نام ترا لیتے ہیں
محفل عشق میں جب نام ترا لیتے ہیں
پہلے ہم ہوش کو دیوانہ بنا لیتے ہیں
روز اک درد تمنا سے نیا لیتے ہیں
ہم یونہی زندگیٔ عشق بڑھا لیتے ہیں
دیکھتے رہتے ہیں چھپ چھپ کے مرقع تیرا
کبھی آتی ہے ہوا بھی تو چھپا لیتے ہیں
رنگ بھرتے ہیں وفا کا جو تصور میں ترے
تجھ سے اچھی تری تصویر بنا لیتے ہیں
دے ہی دیتے ہیں کسی طرح تسلی سیمابؔ
خوش رہیں وہ جو مرے دل کی دعا لیتے ہیں
Mehfil-e-ishq mein jab naam tera lete hain
Mehfil-e-ishq mein jab naam tera lete hain
Pehle hum hosh ko deewaana bana lete hain
Roz ek dard-e-tamanna se naya lete hain
Hum yoonhi zindagi-e-ishq baṛha lete hain
Dekhte rehte hain chhup chhup ke murakka' tera
Kabhi aati hai hawa bhi to chhupa lete hain
Rang bharte hain wafa ka jo tasavvur mein tere
Tujh se achhi teri tasveer bana lete hain
De hi dete hain kisi tarah tasalli Seemab!
Khush rahein woh jo mere dil ki dua lete hain
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں