مرتب ہو کے اک محشر غبار دل سے نکلے گا — سیماب اکبر آبادی
شاعر
مرتب ہو کے اک محشر غبار دل سے نکلے گا
مرتب ہو کے اک محشر غبار دل سے نکلے گا
نیا اک کارواں گرد رہ منزل سے نکلے گا
ہمارے منہ سے اور شکوہ تمہارا ہو نہیں سکتا
تمہارا نام بھی شاید بڑی مشکل سے نکلے گا
نہ ہوگا گوشۂ دامن مرا وابستۂ منزل
نہ جب تک ہاتھ تیرا پردۂ منزل سے نکلے گا
مری آنکھیں ہیں بزم رنگ و بو میں منتظر تیری
نہیں معلوم تو کب تک حجاب دل سے نکلے گا
میں اپنے دل کو یوں پیش نظر سیمابؔ رکھتا ہوں
کہ میرا چاند جب نکلا اسی منزل سے نکلے گا
Murattab ho ke ek mahshar ghubar e dil se nikle ga
Murattab ho ke ek mahshar ghubar e dil se nikle ga
Naya ek karwan gard e rah e manzil se nikle ga
Hamare munh se aur shikwa tumhara ho nahin sakta
Tumhara naam bhi shayad badi mushkil se nikle ga
Na hoga gosha e daaman mera wabasta e manzil
Na jab tak haath tera parda e manzil se nikle ga
Meri aankhen hain bazm e rang o bu mein muntazir teri
Nahin maloom tu kab tak hijab e dil se nikle ga
Main apne dil ko yun pesh e nazar Seemab rakhta hoon
Ke mera chand jab nikla usi manzil se nikle ga
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں