نہ وہ فریاد کا مطلب نہ منشائے فغاں سمجھے — سیماب اکبر آبادی
شاعر
نہ وہ فریاد کا مطلب نہ منشائے فغاں سمجھے
نہ وہ فریاد کا مطلب نہ منشائے فغاں سمجھے
ہم آج اپنی شب غم کی غلط سامانیاں سمجھے
بڑی مشکل سے ان کا راز الفت ہو سکا پنہاں
بڑی مدت میں جا کر ہم مزاج راز داں سمجھے
اب آیا ہے تو بیٹھے چارہ گر خاموش بالیں پر
مری بے چینیاں دیکھے مری بے تابیاں سمجھے
پیام شادمانی کیا سمجھ کر دے کوئی اس کو
جو تیرے غم کو تکمیل نشاط دو جہاں سمجھے
میں اس دنیا میں اے سیمابؔ اک راز حقیقت تھا
سمجھنے کی طرح اہل جہاں مجھ کو کہاں سمجھے
Na wo faryaad ka matlab na mansha e fughan samjhe
Na wo faryaad ka matlab na mansha e fughan samjhe
Hum aaj apni shab e gham ki ghalat samaniyaan samjhe
Badi mushkil se un ka raaz e ulfat ho saka pinhan
Badi muddat mein ja kar hum mizaj e razdan samjhe
Ab aaya hai to baithe chara-gar khamosh baalin par
Meri be-chainiyan dekhe meri be-tabiyan samjhe
Payam e shadmani kya samajh kar de koi us ko
Jo tere gham ko takmeel e nishaat e do jahan samjhe
Main is duniya mein ae Seemab ek raaz e haqiqat tha
Samajhne ki tarah ahl e jahan mujh ko kahan samjhe
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں