نسیم صبح گلشن میں گلوں سے کھیلتی ہوگی — سیماب اکبر آبادی
شاعر
نسیم صبح گلشن میں گلوں سے کھیلتی ہوگی
نسیم صبح گلشن میں گلوں سے کھیلتی ہوگی
کسی کی آخری ہچکی کسی کی دل لگی ہوگی
تجھے دانستہ محفل میں جو دیکھا ہو تو مجرم ہوں
نظر آخر نظر ہے بے ارادہ اٹھ گئی ہوگی
مزہ آ جائے گا محشر میں کچھ سننے سنانے کا
زباں ہوگی ہماری اور کہانی آپ کی ہوگی
یہی عالم رہا پردہ نشینی کا تو ظاہر ہے
خدائی آپ سے ہوگی نہ ہم سے بندگی ہوگی
تعجب کیا لگی جو آگ اے سیمابؔ سینے میں
ہزاروں دل میں انگارے بھرے تھے لگ گئی ہوگی
Naseem-e-subah gulshan mein gulon se khelti hogi
Naseem-e-subah gulshan mein gulon se khelti hogi
Kisi ki aakhiri hichki kisi ki dil-lagi hogi
Tujhe daanista mehfil mein jo dekha ho to mujrim hoon
Nazar aakhir nazar hai be-iraada uṭh gayi hogi
Maza aa jaayega mahshar mein kuch sunne sunaane ka
Zabaan hogi hamaari aur kahani aap ki hogi
Yehi aalam raha parda-nasheeni ka to zahir hai
Khudaai aap se hogi na hum se bandagi hogi
Ta'ajjub kya lagi jo aag aye Seemab! seene mein
Hazaaron dil mein angaare bhare the lag gayi hogi
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں