رسماً ہی ان کو نالۂ دل کی خبر تو ہو — سیماب اکبر آبادی
شاعر
رسماً ہی ان کو نالۂ دل کی خبر تو ہو
رسماً ہی ان کو نالۂ دل کی خبر تو ہو
یعنی اثر نہ ہو تو فریب اثر تو ہو
ہم بھی تمہاری بزم میں ہیں درخور کرم
اچھا وہ مستقل نہ سہی اک نظر تو ہو
کیا فرض ہے کہ ہم نہ ہوں تقدیر آزما
دنیا پڑی ہوئی ہے در یار پر تو ہو
سب کہہ رہے ہیں ہم پہ گراں ہے شب فراق
اس کا بھی کچھ علاج کریں گے سحر تو ہو
سیمابؔ آدھی رات کو آئیں وہ بے قرار
تیری دعائے نیم شبی میں اثر تو ہو
Rasmaan hi un ko naala-e dil ki khabar to ho
Rasmaan hi un ko naala-e dil ki khabar to ho
Ya'ani asar na ho to fareb-e asar to ho
Hum bhi tumhari bazm mein hain darkhur-e karam
Achha woh mustaqil na sahi ik nazar to ho
Kya farz hai ke hum na hon taqdeer aazma
Duniya padi hui hai dar-e yaar par to ho
Sab keh rahe hain hum pe giraan hai shab-e firaaq
Is ka bhi kuch ilaaj karenge sahar to ho
Seemabؔ aadhi raat ko aayein woh be-qarar
Teri dua-e neem shabi mein asar to ho
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں