شام فرقت انتہائے گردش ایام ہے — سیماب اکبر آبادی
شاعر
شام فرقت انتہائے گردش ایام ہے
شام فرقت انتہائے گردش ایام ہے
جتنی صبحیں ہو چکی ہیں آج سب کی شام ہے
کوئے جاناں دیکھ کر جنت سے یوں مایوس ہوں
پوچھتا پھرتا ہوں کیا جنت اسی کا نام ہے
اس طرح دنیا ہے اک معمورۂ ناز و نیاز
ذرے ذرے پر مرا سجدہ تمہارا نام ہے
اللہ اللہ یہ تغافل اور اس پر یہ غرور
کیا مجھے ناکام کر دینا بھی کوئی کام ہے
ہاں نہیں سیمابؔ مجھ کو اپنی ہستی پر غرور
جانتا ہوں میں مری دنیا فنا انجام ہے
Shaam-e-furqat intihaye gardish-e-ayyam hai
Shaam-e-furqat intihaye gardish-e-ayyam hai
Jitni subhein ho chuki hain aaj sab ki shaam hai
Kooye jaanaan dekh kar jannat se yun mayoos hoon
Poochhta phirta hoon kya jannat isi ka naam hai
Is tarah duniya hai ik mamoorah-e-naaz o niyaaz
Zarre zarre par mera sajda tumhara naam hai
Allah Allah yeh taghaful aur is par yeh ghuroor
Kya mujhe nakaam kar dena bhi koi kaam hai
Haan nahin Seemaab mujh ko apni hasti par ghuroor
Jaanta hoon main meri duniya fana anjaam hai
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں