شاید جگہ نصیب ہو اس گل کے ہار میں — سیماب اکبر آبادی
شاعر
شاید جگہ نصیب ہو اس گل کے ہار میں
شاید جگہ نصیب ہو اس گل کے ہار میں
میں پھول بن کے آؤں گا اب کی بہار میں
کفنائے باغباں مجھے پھولوں کے ہار میں
کچھ تو برا ہو دل مرا اب کی بہار میں
گندھوا کے دل کو لائے ہیں پھولوں کے ہار میں
یہ ہار ان کو نذر کریں گے بہار میں
نچلا رہا نہ سوز دروں انتظار میں
اس آگ نے سرنگ لگا دی مزار میں
خلوت خیال یار سے ہے انتظار میں
آئیں فرشتے لے کے اجازت مزار میں
ہم کو تو جاگنا ہے ترے انتظار میں
آئی ہو جس کو نیند وہ سوئے مزار میں
میں دل کی قدر کیوں نہ کروں ہجر یار میں
ان کی سی شوخیاں ہیں اسی بے قرار میں
سیمابؔ بے تڑپ سی تڑپ ہجر یار میں
کیا بجلیاں بھری ہیں دل بے قرار میں
تھی تاب حسن شوخیٔ تصویر یار میں
بجلی چمک گئی نظر بے قرار میں
بادل کی یہ گرج نہیں ابر بہار میں
برا رہا ہے کوئی شرابی خمار میں
عمر دراز مانگ کے لائی تھی چار دن
دو آرزو میں کٹ گئے دو انتظار میں
تنہا مرے ستانے کو رہ جائے کیوں زمیں
اے آسمان تو بھی اتر آ مزار میں
خود حسن نا خدائے محبت خدائے دل
کیا کیا لئے ہیں میں نے ترے نام پیار میں
مجھ کو مٹا گئی روش شرمگیں تری
میں جذب ہو گیا نگۂ شرمسار میں
اللہ رے شام غم مری بے اختیاریاں
اک دل ہے پاس وہ بھی نہیں اختیار میں
اے اشک گرم ماند نہ پڑ جائے روشنی
پھر تیل ہو چکا ہے دل داغدار میں
یہ معجزہ ہے وحشت عریاں پسند کا
میں کوئے یار میں ہوں کفن ہے مزار میں
اے درد دل کو چھیڑ کے پھر بار بار چھیڑ
ہے چھیڑ کا مزا خلش بار بار میں
افراط معصیت سے فضیلت ملی مجھے
میں ہوں گناہ گاروں کی پہلی قطار میں
ڈرتا ہوں یہ تڑپ کے لحد کو الٹ نہ دے
ہاتھوں سے دل دبائے ہوئے ہوں مزار میں
تم نے تو ہاتھ جور و ستم سے اٹھا لیا
اب کیا مزا رہا ستم روزگار میں
کیا جانے رحمتوں نے لیا کس طرح حساب
دو چار بھی گناہ نہ نکلے شمار میں
او پردہ دار اب تو نکل آ کہ حشر ہے
دنیا کھڑی ہوئی ہے ترے انتظار میں
روئی ہے ساری رات اندھیرے میں بے کسی
آنسو بھرے ہوئے ہیں چراغ مزار میں
سیمابؔ پھول اگیں لحد عندلیب سے
اتنی تو زندگی ہو ہوائے بہار میں
Shaayad jagah naseeb ho us gul ke haar mein
Shaayad jagah naseeb ho us gul ke haar mein
Main phool ban ke aaunga ab ki bahaar mein
Kafnaaye baghbaan mujhe phoolon ke haar mein
Kuchh to bura ho dil mera ab ki bahaar mein
Gandhwa ke dil ko laaye hain phoolon ke haar mein
Yeh haar un ko nazr karenge bahaar mein
Nichla raha na soz-e-daroon intezaar mein
Is aag ne surang laga di mazaar mein
Khalwat-e-khayal-e-yaar se hai intezaar mein
Aayen farishte le ke ijazat mazaar mein
Hum ko to jaagna hai tere intezaar mein
Aayi ho jis ko neend woh soye mazaar mein
Main dil ki qadr kyun na karoon hijr-e-yaar mein
Un ki si shokhiyan hain isi be-qaraar mein
Seemab! be-taṛap si taṛap hijr-e-yaar mein
Kya bijliyan bhari hain dil be-qaraar mein
Thi taab-e-husn shokhi-e-tasveer-e-yaar mein
Bijli chamak gayi nazar be-qaraar mein
Baadal ki yeh garaj nahin abr-e-bahaar mein
Bara raha hai koi sharabi khumaar mein
Umr-e-daraaz maang ke laayi thi chaar din
Do aarzoo mein kaṭ gaye do intezaar mein
Tanha mere sataane ko reh jaaye kyun zameen
Aye aasman tu bhi utar aa mazaar mein
Khud husn-e-na-khuda-e-mohabbat khuda-e-dil
Kya kya liye hain main ne tere naam pyaar mein
Mujh ko miṭa gayi rawish-e-sharmgeen teri
Main jazb ho gaya nigah-e-sharmsaar mein
Allah re shaam-e-gham meri be-ikhtiyaariyan
Ek dil hai paas woh bhi nahin ikhtiyar mein
Aye ashk-e-garm, maand na paṛ jaaye roshni
Phir tel ho chuka hai dil-e-daghdar mein
Yeh mojiza hai wahshat-e-uryan-pasand ka
Main ku-e-yaar mein hoon, kafan hai mazaar mein
Aye dard-e-dil ko chheṛ ke phir baar baar chheṛ
Hai chheṛ ka maza khalish baar baar mein
Ifraat-e-ma'asiyat se fazeelat mili mujhe
Main hoon gunaah-garon ki pehli qitaar mein
Darta hoon yeh taṛap ke lahad ko ulṭ na de
Haathon se dil dabaye hue hoon mazaar mein
Tum ne to haath jaur-o-sitam se uṭha liya
Ab kya maza raha sitam-e-rozgaar mein
Kya jaane rehmaton ne liya kis tarah hisaab
Do chaar bhi gunaah na nikle shumaar mein
O parda-daar ab to nikal aa ke hashr hai
Duniya khaṛi hui hai tere intezaar mein
Royi hai saari raat andhere mein be-kasi
Aansu bhare hue hain chiragh-e-mazaar mein
Seemab! phool ugen lahad-e-andaleeb se
Itni to zindagi ho hawa-e-bahaar mein
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں