شکریہ ہستی کا! لیکن تم نے یہ کیا کر دیا — سیماب اکبر آبادی
شاعر
شکریہ ہستی کا! لیکن تم نے یہ کیا کر دیا
شکریہ ہستی کا! لیکن تم نے یہ کیا کر دیا
پردے ہی پردے میں اپنا راز افشا کر دیا
مانگ کر ہم لائے تھے اللہ سے اک درد عشق
وہ بھی اب تقدیر نے اوروں کا حصہ کر دیا
دو ہی انگارے تھے ہاتھوں میں خدائے عشق کے
ایک کو دل ایک کو میرا کلیجا کر دیا
جب تجلی ان کی برق ارزانیوں پر آ گئی
آبلے سے دل کے پیدا طور سینا کر دیا
اپنی اس وارفتگئ شوق کا ممنون ہوں
بارہا مجھ کو بھری محفل میں تنہا کر دیا
واقعات عشق کا تھا لمحہ لمحہ اک صدی
ہر نفس میں میں نے اک ارمان پورا کر دیا
مرحمت فرما کے اے سیمابؔ غم کی لذتیں
زیست کی تلخی کو فطرت نے گوارا کر دیا
Shukriya hasti ka! Lekin tum ne ye kya kar diya
Shukriya hasti ka! Lekin tum ne ye kya kar diya
Parde hi parde mein apna raaz afsha kar diya
Maang kar hum laaye thhe Allah se ik dard-e-ishq
Wo bhi ab taqdeer ne auron ka hissa kar diya
Do hi angaare thhe haathon mein khudae ishq ke
Ek ko dil ek ko mera kaleja kar diya
Jab tajalli un ki barq-arzaaniyon par aa gayi
Aable se dil ke paida toor-e-seena kar diya
Apni is waarfatgi-e-shauq ka mamnoon hoon
Baarha mujh ko bhari mehfil mein tanha kar diya
Waqeat-e-ishq ka tha lamha lamha ik sadi
Har nafas mein main ne ik armaan poora kar diya
Marhamat farma ke ae Seemaab gham ki lazzatein
Zeest ki talkhi ko fitrat ne gawara kar diya
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں