تقدیر میں اضافۂ سوز وفا ہوا — سیماب اکبر آبادی
شاعر
تقدیر میں اضافۂ سوز وفا ہوا
تقدیر میں اضافۂ سوز وفا ہوا
دل میں جو تم نے آگ لگا دی تو کیا ہوا
کہتے ہیں جس کو موت ہے اک بے خودی کی نیند
اس کو فنا کہاں ہے جو تجھ پر فنا ہوا
اے خادمان حسن یہ کیا انتظام ہے
اب تک چراغ طور پڑا ہے بجھا ہوا
ہستی و نیستی کی حدیں دور رہ گئیں
یہ آ گیا کہاں میں تجھے ڈھونڈھتا ہوا
منہ سے دعا نکل ہی گئی وقت قتل بھی
کہنا یہ تھا کہ حق محبت ادا ہوا
بحث نیاز و ناز تھی کل بزم حسن میں
سیمابؔ کچھ خبر نہیں کیا فیصلہ ہوا
Taqdeer mein izaafa-e soz-e wafa hua
Taqdeer mein izaafa-e soz-e wafa hua
Dil mein jo tum ne aag laga di to kya hua
Kehte hain jis ko maut hai ik bekhudi ki neend
Us ko fana kahan hai jo tujh par fana hua
Aye khaadimaan-e husn yeh kya intizam hai
Ab tak chiragh-e toor pada hai bujha hua
Hasti-o neesti ki haddein door reh gayin
Yeh aa gaya kahan main tujhe dhoondhta hua
Munh se dua nikal hi gayi waqt-e qatl bhi
Kehna yeh tha ke haq-e mohabbat ada hua
Bahs-e niyaaz-o naaz thi kal bazm-e husn mein
Seemabؔ kuch khabar nahin kya faisla hua
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں