یہ دور ترقی ہے رفعت کا زمانہ ہے — سیماب اکبر آبادی
شاعر
یہ دور ترقی ہے رفعت کا زمانہ ہے
یہ دور ترقی ہے رفعت کا زمانہ ہے
ذروں کو اٹھانا ہے تاروں سے ملانا ہے
آغوش تصور ہے اور نقش جمیل ان کا
دوری ہے نہ مجبوری آنا ہے نہ جانا ہے
نیرنگ محبت ہے ہر راز مرے دل کا
چپ ہوں تو حقیقت ہے کہہ دوں تو فسانا ہے
ارمان تجلی کا کوتاہ بھی کر قصہ
اے دوست تجھے آخر اک دن نظر آنا ہے
کیا شعبدہ ساماں ہے سیمابؔ زمانہ بھی
ہر شخص سمجھتا ہے میرا ہی زمانہ ہے
Yeh daur-e-taraqqi hai rifat ka zamana hai
Yeh daur-e-taraqqi hai rifat ka zamana hai
Zarron ko uthana hai taaron se milana hai
Aaghosh-e-tasawwur hai aur naqsh-e-jameel un ka
Doori hai na majboori aana hai na jaana hai
Nairang-e-mohabbat hai har raaz mere dil ka
Chup hoon to haqeeqat hai keh doon to fasana hai
Armaan-e-tajalli ka kotah bhi kar qissa
Aye dost tujhe aakhir ik din nazar aana hai
Kya sha'bada saamaaN hai Seemaab zamana bhi
Har shakhs samajhta hai mera hi zamana hai
شاعر کے بارے میں
سیماب اکبرآبادی اردو ادب کے اُن ہمہ جہت اور عہدساز شعرا میں شمار ہوتے ہیں جنہوں نے شاعری، تنقید، ترجمہ اور ادارت ہر میدان میں گراں قدر خدمات انجام ...
مکمل تعارف پڑھیں