آج سر سبز کوہ و صحرا ہے — ولی محمد ولی
شاعر
آج سر سبز کوہ و صحرا ہے
آج سر سبز کوہ و صحرا ہے
ہر طرف سیر ہے تماشا ہے
چہرۂ یار و قامت زیبا
گل رنگین و سرو رعنا ہے
معنی حسن و معنی خوبی
صورت یار سوں ہویدا ہے
دم جاں بخش نو خطاں مج کوں
چشمۂ خضر ہے مسیحا ہے
کمر نازک و دہان صنم
فکر باریک ہے معما ہے
مو بہ مو اس کوں ہے پریشانی
زلف مشکیں کا جس کوں سودا ہے
کیا حقیقت ہے تجھ تواضع کی
یو تلطف ہے یا مداوا ہے
سبب دل ربائی عاشق
مہر ہے لطف ہے دلاسا ہے
جوں ولیؔ رات دن ہے محو خیال
جس کوں تجھ وصل کی تمنا ہے
Aaj sar sabz koh-o-sahra hai
Aaj sar sabz koh-o-sahra hai
Har taraf sair hai tamasha hai
Chehra-e-yaar-o-qamat-e-zeba
Gul-e-rangeen-o-sarv-e-ra'na hai
Ma'ni-e-husn-o-ma'ni-e-khoobi
Soorat-e-yaar sooñ huvaida hai
Dam jaan bakhsh nau khatāñ muj kooñ
Chashma-e-khizr hai masiha hai
Kamar nazuk-o-dehan-e-sanam
Fikr bareek hai mu'amma hai
Moo ba moo us kooñ hai pareshani
Zulf-e-mushkeen ka jis kooñ sauda hai
Kya haqeeqat hai tujh tawaza'a ki
Yo talattuf hai ya mudawa hai
Sabab-e-dilrubai-e-aashiq
Mehr hai lutf hai dilasa hai
Jooñ Wali raat din hai mahv-e-khayal
Jis kooñ tujh vasl ki tamanna hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں