یاد کرنا ہر گھڑی اس یار کا — ولی محمد ولی
شاعر
یاد کرنا ہر گھڑی اس یار کا
یاد کرنا ہر گھڑی اس یار کا
ہے وظیفہ مجھ دل بیمار کا
آرزوئے چشمۂ کوثر نئیں
تشنہ لب ہوں شربت دیدار کا
عاقبت کیا ہووے گا معلوم نئیں
دل ہوا ہے مبتلا دل دار کا
کیا کہے تعریف دل ہے بے نظیر
حرف حرف اس مخزن اسرار کا
گر ہوا ہے طالب آزادگی
بند مت ہو سبحہ و زنار کا
مسند گل منزل شبنم ہوئی
دیکھ رتبہ دیدۂ بیدار کا
اے ولیؔ ہونا سریجن پر نثار
مدعا ہے چشم گوہر بار کا
Yaad karna har ghadi us yaar ka
Yaad karna har ghadi us yaar ka
Hai wazifa mujh dil-e-bimar ka
Aarzoo-e-chashma-e-kausar nahin
Tishna-lab hoon sharbat-e-didar ka
Aqibat kya hove ga malum nahin
Dil hua hai mubtala dil-dar ka
Kya kahe tareef dil hai be-nazir
Harf harf is makhzan-e-asrar ka
Gar hua hai talib-e-azadi
Band mat ho sabha o zunnar ka
Masnad-e-gul manzil-e-shabnam hui
Dekh rutba dida-e-bedar ka
Ae Wali hona sajjan par nisar
Mudda'a hai chashm-e-gauhar-bar ka
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں