وہ نازنیں ادا میں اعجاز ہے سراپا — ولی محمد ولی
شاعر
وہ نازنیں ادا میں اعجاز ہے سراپا
وہ نازنیں ادا میں اعجاز ہے سراپا
خوبی میں گل رخاں سوں ممتاز ہے سراپا
اے شوخ تجھ نین میں دیکھا نگاہ کر کر
عاشق کے مارنے کا انداز ہے سراپا
جگ کے ادا شناساں ہے جن کی فکر عالی
تجھ قد کوں دیکھ بولے یو ناز ہے سراپا
کیوں ہو سکیں جگت کے دل بر ترے برابر
تو حسن ہور ادا میں اعجاز ہے سراپا
گاہے اے عیسوی دم یک بات لطف سوں کر
جاں بخش مجھ کو تیرا آواز ہے سراپا
مجھ پر ولیؔ ہمیشہ دل دار مہرباں ہے
ہر چند حسب ظاہر طناز ہے سراپا
Woh nazneen ada mein ejaz hai sarapa
Woh nazneen ada mein ejaz hai sarapa
Khoobi mein gul-rukhan son mumtaz hai sarapa
Ae shokh tujh nain mein dekha nigah kar kar
Aashiq ke marne ka andaaz hai sarapa
Jug ke ada-shanasan hai jin ki fikr-e-aali
Tujh qad koñ dekh bole yu naz hai sarapa
Kyon ho sakein jagat ke dilbar tere barabar
Tu husn-e-hoor ada mein ejaz hai sarapa
Gahe ae Eesawi dam yak baat lutf son kar
Jan-bakhsh mujh ko tera awaz hai sarapa
Mujh par Wali hamesha dil-dar mehrban hai
Har chand hasb-e-zahir tannaz hai sarapa
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں