تجھ لب کی صفت لعل بدخشاں سوں کہوں گا — ولی محمد ولی
شاعر
تجھ لب کی صفت لعل بدخشاں سوں کہوں گا
تجھ لب کی صفت لعل بدخشاں سوں کہوں گا
جادو ہیں ترے نین غزالاں سوں کہوں گا
دی بادشہی حق نے تجھے حسن نگر کی
یو کشور ایراں میں سلیماں سوں کہوں گا
تعریف ترے قد کی الف وار سریجن
جا سرو گلستاں کوں خوش الحاں سوں کہوں گا
مجھ پر نہ کرو ظلم تم اے لیلی خوباں
مجنوں ہوں ترے غم کوں بیاباں سوں کہوں گا
دیکھا ہوں تجھے خواب میں اے مایۂ خوبی
اس خواب کو جا یوسف کنعاں سوں کہوں گا
جلتا ہوں شب و روز ترے غم میں اے ساجن
یہ سوز ترا مشعل سوزاں سوں کہوں گا
یک نقطہ ترے صفحۂ رخ پر نئیں بے جا
اس مکھ کو ترے صفحۂ قرآں سوں کہوں گا
قربان پری مکھ پہ ہوئی چوب سی جل کر
یہ بات عجائب مہ تاباں سوں کہوں گا
بے صبر نہ ہو اے ولیؔ اس درد سوں ہرگز
جلتا ہوں ترے درد میں درماں سوں کہوں گا
Tujh lab ki sifat laal-e-Badakhshan son kahunga
Tujh lab ki sifat laal-e-Badakhshan son kahunga
Jadu hain tere nain ghazalan son kahunga
Di badshahi Haq ne tujhe husn nagar ki
Yu kishwar-e-Iran mein Sulaiman son kahunga
Tareef tere qad ki alif waar sajjan
Ja sarv-e-gulistan koñ khush ilhan son kahunga
Mujh par na karo zulm tum ae Laila-e-khuban
Majnun hoon tere gham koñ biyaban son kahunga
Dekha hoon tujhe khwab mein ae Maya-e-khoobi
Is khwab ko ja Yusuf-e-Kan'an son kahunga
Jalta hoon shab o roz tere gham mein ae sajjan
Yeh soz tera mash'al-e-sozan son kahunga
Yak nuqta tere safha-e-rukh par nahin beja
Is mukh ko tere safha-e-Qur'an son kahunga
Qurban pari mukh pe hui chob si jal kar
Yeh baat ajaib meh-e-taban son kahunga
Be-sabr na ho ae Wali is dard son hargiz
Jalta hoon tere dard mein darman son kahunga
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں