اگر گلشن طرف وو نو خط رنگیں ادا نکلے — ولی محمد ولی
شاعر
اگر گلشن طرف وو نو خط رنگیں ادا نکلے
اگر گلشن طرف وو نو خط رنگیں ادا نکلے
گل و ریحاں سوں رنگ و بو شتابی پیشوا نکلے
کھلے ہر غنچۂ دل جیوں گل شاداب شادی سوں
اگر ٹک گھر سوں باہر وو بہار دل کشا نکلے
غنیم غم کیا ہے فوج بندی عشق بازاں پر
بجا ہے آج وو راجہ اگر نوبت بجا نکلے
نثار اس کے قدم اوپر کروں انجھواں کے گوہر سب
اگر کرنے کوں دل جوئی وو سرو خوش ادا نکلے
صنم آئے کروں گا نالۂ جاں سوز کوں ظاہر
مگر اس سنگ دل سوں مہربانی کی صدا نکلے
رہے مانند لعل بے بہا شاہاں کے تاج اوپر
محبت میں جو کوئی اسباب ظاہر کوں بہا نکلے
بخیلی درس کی ہرگز نہ کیجو اے پری پیکر
ولیؔ تیری گلی میں جب کہ مانند گدا نکلے
Agar gulshan taraf vo nau-khat rangeen ada nikle
Agar gulshan taraf vo nau-khat rangeen ada nikle
Gul-o-raihaa sooñ rang-o-boo shitaabi peshwa nikle
Khule har ghuncha dil jeeyoñ gul-e-shaadab shaadi sooñ
Agar tak ghar sooñ baahar vo bahaar-e-dilkusha nikle
Ghaneem-e-gham kya hai fauj-bandi ishq-bazañ par
Baja hai aaj vo raja agar naubat baja nikle
Nisaar us ke qadam upar karooñ anjhwañ ke gauhar sab
Agar karne kooñ dil-jooee vo sarv-e-khush-ada nikle
Sanam aaye karooñga nala-e-jaan-soz kooñ zahir
Magar is sang-dil sooñ meherbani ki sada nikle
Rahe manind-e-la'al-e-be-baha shahañ ke taaj upar
Mohabbat mein jo koyi asbaab-e-zaahir kooñ baha nikle
Bakheeli-e-dars ki hargiz na keejo aye pari paikar
Wali teri gali mein jab ke manind-e-gada nikle
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں