دل ہوا ہے مرا خراب سخن — ولی محمد ولی
شاعر
دل ہوا ہے مرا خراب سخن
دل ہوا ہے مرا خراب سخن
دیکھ کر حسن بے حجاب سخن
بزم معنی میں سر خوشی ہے اسے
جس کوں ہے نشۂ شراب سخن
راہ مضمون تازہ بند نہیں
تا قیامت کھلا ہے باب سخن
جلوہ پیرا ہو شاہد معنی
جب زباں سوں اٹھے نقاب سخن
گوہر اس کی نظر میں جا نہ کرے
جن نے دیکھا ہے آب و تاب سخن
ہرجا گویاں کی بات کیونکہ سنے
جو سنا نغمۂ رباب سخن
ہے تری بات اے نزاکت فہم
لوح دیباچۂ کتاب سخن
ہے سخن جگ منیں عدیم المثال
جز سخن نیں دجا جواب سخن
اے ولیؔ درد سر کبھو نہ رہے
جب ملے صندل و گلاب سخن
Dil hua hai mera kharaab-e-sukhan
Dil hua hai mera kharaab-e-sukhan
Dekh kar husn-e-be-hijab-e-sukhan
Bazm-e-ma'ni mein sar-khushi hai use
Jis kooñ hai nasha-e-sharaab-e-sukhan
Rah-e-mazmoon taza band nahin
Ta qyamat khula hai baab-e-sukhan
Jalwa paira ho shahid-e-ma'ni
Jab zaban sooñ uthe naqaab-e-sukhan
Gauhar us ki nazar mein ja na kare
Jin ne dekha hai aab-o-taab-e-sukhan
Harja goyañ ki baat kyunka na sune
Jo suna naghma-e-rabaab-e-sukhan
Hai teri baat aye nazakat fehm
Lauh-e-deebacha-e-kitab-e-sukhan
Hai sukhan jag maniñ adeem-ul-misal
Juz sukhan nahin daja jawab-e-sukhan
Aye Wali dard-e-sar kabhi na rahe
Jab mile sandal-o-gulab-e-sukhan
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں