دل کوں تجھ باج بے قراری ہے — ولی محمد ولی
شاعر
دل کوں تجھ باج بے قراری ہے
دل کوں تجھ باج بے قراری ہے
چشم کا کام اشک باری ہے
شب فرقت میں مونس و ہم دم
بے قراروں کوں آہ و زاری ہے
اے عزیزاں مجھے نہیں برداشت
سنگ دل کا فراق بھاری ہے
فیض سوں تجھ فراق کے ساجن
چشم گریاں کا کام جاری ہے
فوقیت لے گیا ہوں بلبل سوں
گرچہ منصب میں دو ہزاری ہے
عشق بازوں کے حق میں قاتل کی
ہر نگہ خنجر و کٹاری ہے
آتش ہجر لالہ رو سوں ولیؔ
داغ سینے میں یادگاری ہے
Dil kooñ tujh baaj be-qarari hai
Dil kooñ tujh baaj be-qarari hai
Chashm ka kaam ashk-bari hai
Shab-e-furqat mein monis-o-hamdam
Be-qararoñ kooñ aah-o-zari hai
Aye azeezañ mujhe nahin bardaasht
Sang-dil ka firaaq bhari hai
Faiz sooñ tujh firaaq ke saajan
Chashm-e-giryaan ka kaam jari hai
Fauqiyat le gaya hoon bulbul sooñ
Garchih mansab mein do-hazari hai
Ishq-bazoñ ke haq mein qaatil ki
Har nigah khanjar-o-kataari hai
Aatish-e-hijr lala-ru sooñ Wali
Daagh seene mein yaadgaari hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں