فدائے دلبر رنگیں ادا ہوں — ولی محمد ولی
شاعر
فدائے دلبر رنگیں ادا ہوں
فدائے دلبر رنگیں ادا ہوں
شہید شاہد گل گوں قبا ہوں
ہر اک مہ رو کے ملنے کا نہیں ذوق
سخن کے آشنا کا آشنا ہوں
کیا ہوں ترک نرگس کا تماشا
طلب گار نگاہ با حیا ہوں
نہ کر شمشاد کی تعریف مجھ پاس
کہ میں اس سرو قد کا مبتلا ہوں
کیا میں عرض اس خورشید رو سوں
تو شاہ حسن میں تیرا گدا ہوں
سدا رکھتا ہوں شوق اس کے سخن کا
ہمیشہ تشنۂ آب بقا ہوں
قدم پر اس کے رکھتا ہوں سدا سر
ولیؔ ہم مشرب رنگ حنا ہوں
Fida-e-dilbar rangeen ada hoon
Fida-e-dilbar rangeen ada hoon
Shaheed-e-shahid gul-goon qaba hoon
Har ik mah-ru ke milne ka nahin zauq
Sukhan ke aashna ka aashna hoon
Kiya hoon tark nargis ka tamasha
Talabgaar nigah-e-ba-haya hoon
Na kar shamshad ki ta'reef mujh paas
Ke main us sarv-e-qad ka mubtala hoon
Kiya main arz is khursheed-ru sooñ
Tu shah-e-husn main tera gada hoon
Sada rakhta hoon shauq us ke sukhan ka
Hamesha tishna-e-aab-e-baqa hoon
Qadam par us ke rakhta hoon sada sar
Wali ham-mashrab rang-e-hina hoon
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں