عشق بیتاب جاں گدازی ہے — ولی محمد ولی
شاعر
عشق بیتاب جاں گدازی ہے
عشق بیتاب جاں گدازی ہے
حسن مشتاق دل نوازی ہے
اشک خونیں سوں جو کیا ہے وضو
مذہب عشق میں نمازی ہے
جو ہوا راز عشق سوں آگاہ
وو زمانے کا فخر رازی ہے
پاک بازاں سوں یوں ہوا مفہوم
عشق مضمون پاک بازی ہے
جا کے پہنچی ہے حد ظلمت کوں
بسکہ تجھ زلف میں درازی ہے
تجربے سوں ہوا مجھے ظاہر
ناز مفہوم بے نیازی ہے
اے ولیؔ عیش ظاہری کا سبب
جلوۂ شاہد مجازی ہے
Ishq-e-betaab jaan-gudazi hai
Ishq-e-betaab jaan-gudazi hai
Husn-e-mushtaq dil-nawazi hai
Ashk-e-khooniñ sooñ jo kiya hai wuzu
Mazhab-e-ishq mein namazi hai
Jo hua raaz-e-ishq sooñ aagah
Vo zamane ka fakhr-e-raazi hai
Paak-bazoñ sooñ yooñ hua mafhoom
Ishq mazmoon-e-paak-bazi hai
Ja ke pahunhchi hai hadd-e-zulmat kooñ
Bas ke tujh zulf mein darazi hai
Tajrube sooñ hua mujhe zahir
Naaz mafhoom-e-be-niyazi hai
Aye Wali aish-e-zahiri ka sabab
Jalwa-e-shahid-e-majazi hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں