عشق میں صبر و رضا درکار ہے — ولی محمد ولی
شاعر
عشق میں صبر و رضا درکار ہے
عشق میں صبر و رضا درکار ہے
فکر اسباب وفا درکار ہے
چاک کرنے جامۂ صبر و قرار
دلبر رنگیں قبا درکار ہے
ہر صنم تسخیر دل کیونکر سکے
دل ربائی کوں ادا درکار ہے
زلف کوں وا کر کہ شاہ عشق کوں
سایۂ بال ہما درکار ہے
رکھ قدم مجھ دیدۂ خوں بار پر
گر تجھے رنگ حنا درکار ہے
دیکھ اس کی چشم شہلا کوں اگر
نرگس باغ حیا درکار ہے
عزم اس کے وصل کا ہے اے ولیؔ
لیکن امداد خدا درکار ہے
Ishq mein sabr-o-raza darkaar hai
Ishq mein sabr-o-raza darkaar hai
Fikr-e-asbaab-e-wafa darkaar hai
Chaak karne jama-e-sabr-o-qarar
Dilbar-e-rangeen qaba darkaar hai
Har sanam taskheer-e-dil kyun kar sake
Dilrubai kooñ ada darkaar hai
Zulf kooñ va kar ke shah-e-ishq kooñ
Saya-e-baal-e-huma darkaar hai
Rakh qadam mujh deeda-e-khoon-bar par
Gar tujhe rang-e-hina darkaar hai
Dekh us ki chashm-e-shahla kooñ agar
Nargis-e-bagh-e-haya darkaar hai
Azm us ke vasl ka hai aye Wali
Lekin imdad-e-khuda darkaar hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں