جسے عشق کا تیر کاری لگے — ولی محمد ولی
شاعر
جسے عشق کا تیر کاری لگے
جسے عشق کا تیر کاری لگے
اسے زندگی کیوں نہ بھاری لگے
نہ چھوڑے محبت دم مرگ تک
جسے یار جانی سوں یاری لگے
نہ ہووے اسے جگ میں ہرگز قرار
جسے عشق کی بے قراری لگے
ہر اک وقت مجھ عاشق پاک کوں
پیارے تری بات پیاری لگے
ولیؔ کوں کہے تو اگر یک بچن
رقیباں کے دل میں کٹاری لگے
Jise ishq ka teer-e-kaari lage
Jise ishq ka teer-e-kaari lage
Use zindagi kyun na bhari lage
Na chhode mohabbat dam-e-marg tak
Jise yaar-e-jaani sooñ yaari lage
Na hove use jag mein hargiz qarar
Jise ishq ki be-qarari lage
Har ik waqt mujh aashiq-e-paak kooñ
Pyare teri baat pyari lage
Wali kooñ kahe tu agar yak bachan
Raqibañ ke dil mein kataari lage
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں