کمر اس دل ربا کی دل ربا ہے — ولی محمد ولی
شاعر
کمر اس دل ربا کی دل ربا ہے
کمر اس دل ربا کی دل ربا ہے
نگہ اس خوش ادا کی خوش ادا ہے
سجن کے حسن کوں ٹک فکر سوں دیکھ
کہ یہ آئینۂ معنی نما ہے
یہ خط ہے جوہر آئینہ راز
اسے مشک ختن کہنا بجا ہے
ہوا معلوم تجھ زلفاں سوں اے شوخ
کہ شاہ حسن پر ظل ہما ہے
نہ ہووے کوہ کن کیوں آ کے عاشق
جو وو شیریں ادا گل گوں قبا ہے
نہ پوچھو آہ و زاری کی حقیقت
عزیزاں عاشقی کا مقتضا ہے
ولیؔ کوں مت ملامت کر اے واعظ
ملامت عاشقوں پر کب روا ہے
Kamar us dilruba ki dilruba hai
Kamar us dilruba ki dilruba hai
Nigah us khush-ada ki khush-ada hai
Sajan ke husn kooñ tak fikr sooñ dekh
Ke yeh aaina ma'ni-numa hai
Yeh khat hai jauhar-e-aaina-e-raaz
Use mushk-e-Khatan kehna baja hai
Hua ma'loom tujh zulfaań sooñ aye shokh
Ke shah-e-husn par zill-e-huma hai
Na hove koh-kan kyun aa ke aashiq
Jo vo sheereeñ ada gul-goon qaba hai
Na poochho aah-o-zari ki haqeeqat
Azeezañ aashqi ka muqtaza hai
Wali kooñ mat malaamat kar aye vaa'iz
Malaamat aashiqoñ par kab rawa hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں