خوب رو خوب کام کرتے ہیں — ولی محمد ولی
شاعر
خوب رو خوب کام کرتے ہیں
خوب رو خوب کام کرتے ہیں
یک نگہ میں غلام کرتے ہیں
دیکھ خوباں کوں وقت ملنے کے
کس ادا سوں سلام کرتے ہیں
کیا وفادار ہیں کہ ملنے میں
دل سوں سب رام رام کرتے ہیں
کم نگاہی سوں دیکھتے ہیں ولے
کام اپنا تمام کرتے ہیں
کھولتے ہیں جب اپنی زلفاں کوں
صبح عاشق کوں شام کرتے ہیں
صاحب لفظ اس کوں کہہ سکیے
جس سوں خوباں کلام کرتے ہیں
دل لجاتے ہیں اے ولیؔ میرا
سرو قد جب خرام کرتے ہیں
Khoob-ru khoob kaam karte hain
Khoob-ru khoob kaam karte hain
Yak nigah mein ghulaam karte hain
Dekh khoobañ kooñ waqt milne ke
Kis ada sooñ salaam karte hain
Kya wafadar hain ke milne mein
Dil sooñ sab raam raam karte hain
Kam-nigahi sooñ dekhte hain vale
Kaam apna tamaam karte hain
Kholte hain jab apni zulfaań kooñ
Subh-e-aashiq kooñ sham karte hain
Sahib-e-lafz us kooñ keh sakiye
Jis sooñ khoobañ kalam karte hain
Dil lajate hain aye Wali mera
Sarv-e-qad jab khiraam karte hain
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں