کیا مجھ عشق نے ظالم کوں آب آہستہ آہستہ — ولی محمد ولی
شاعر
کیا مجھ عشق نے ظالم کوں آب آہستہ آہستہ
کیا مجھ عشق نے ظالم کوں آب آہستہ آہستہ
کہ آتش گل کوں کرتی ہے گلاب آہستہ آہستہ
وفاداری نے دل بر کی بجھایا آتش غم کوں
کہ گرمی دفع کرتا ہے گلاب آہستہ آہستہ
عجب کچھ لطف رکھتا ہے شب خلوت میں گل رو سوں
خطاب آہستہ آہستہ جواب آہستہ آہستہ
مرے دل کوں کیا بے خود تری انکھیاں نے آخر کوں
کہ جیوں بے ہوش کرتی ہے شراب آہستہ آہستہ
ہوا تجھ عشق سوں اے آتشیں رو دل مرا پانی
کہ جیوں گلتا ہے آتش سوں گلاب آہستہ آہستہ
ادا و ناز سوں آتا ہے وو روشن جبیں گھر سوں
کہ جیوں مشرق سوں نکلے آفتاب آہستہ آہستہ
ولیؔ مجھ دل میں آتا ہے خیال یار بے پروا
کہ جیوں انکھیاں منیں آتا ہے خواب آہستہ آہستہ
Kiya mujh ishq ne zaalim kooñ aab aahista aahista
Kiya mujh ishq ne zaalim kooñ aab aahista aahista
Ke aatish-e-gul kooñ karti hai gulab aahista aahista
Wafadari ne dilbar ki bujhaya aatish-e-gham kooñ
Ke garmi dafa'a karta hai gulab aahista aahista
Ajab kuch lutf rakhta hai shab-e-khalwat mein gul-ru sooñ
Khitaab aahista aahista jawab aahista aahista
Mere dil kooñ kiya be-khud teri ankhiyañ ne aakhir kooñ
Ke jeeyoñ be-hosh karti hai sharaab aahista aahista
Hua tujh ishq sooñ aye aatishiñ-ru dil mera paani
Ke jeeyoñ galta hai aatish sooñ gulab aahista aahista
Ada-o-naaz sooñ aata hai vo roshan jabeen ghar sooñ
Ke jeeyoñ mashriq sooñ nikle aaftab aahista aahista
Wali mujh dil mein aata hai khayaal yaar-e-be-parwa
Ke jeeyoñ ankhiyañ maniñ aata hai khwab aahista aahista
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں