کوچۂ یار عین کاسی ہے — ولی محمد ولی
شاعر
کوچۂ یار عین کاسی ہے
کوچۂ یار عین کاسی ہے
جوگئی دل وہاں کا باسی ہے
پی کے بیراگ کی اداسی سوں
دل پہ میرے سدا اداسی ہے
اے صنم تجھ جبیں اپر یہ خال
ہندوی ہر دوار باسی ہے
زلف تیری ہے موج جمنا کی
تل نزک اس کے جیوں سناسی ہے
گھر ترا ہے یہ رشک دیول چیں
اس میں مدت سوں دل اپاسی ہے
یہ سیہ زلف تجھ زنخداں پر
ناگنی جیوں کنوے پہ پیاسی ہے
طاس خورشید غرق ہے جب سوں
بر میں تیرے لباس تاسی ہے
جس کی گفتار میں نہیں ہے مزا
سخن اس کا طعام باسی ہے
اے ولیؔ جو لباس تن پہ رکھا
عاشقاں کے نزک لباسی ہے
Kocha-e-yaar ain-e-kaasi hai
Kocha-e-yaar ain-e-kaasi hai
Jogin dil wahañ ka baasi hai
Pi ke bairaag ki udasi sooñ
Dil pe mere sada udasi hai
Aye sanam tujh jabeen upar yeh khaal
Hindavi Haridwaar baasi hai
Zulf teri hai mauj-e-Jamna ki
Til nazuk us ke jeeyoñ sanyasi hai
Ghar tera hai yeh rashk-e-deval-e-Cheen
Is mein muddat sooñ dil upaasi hai
Yeh siyah zulf tujh zankhdaan par
Naagini jeeyoñ kunve pe pyaasi hai
Taas-e-khursheed gharq hai jab sooñ
Bar mein tere libaas-e-taasi hai
Jis ki guftaar mein nahin hai maza
Sukhan us ka ta'am-e-baasi hai
Aye Wali jo libaas tan pe rakha
Aashiqaañ ke nazuk libaasi hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں