میں عاشقی میں تب سوں افسانہ ہو رہا ہوں — ولی محمد ولی
شاعر
میں عاشقی میں تب سوں افسانہ ہو رہا ہوں
میں عاشقی میں تب سوں افسانہ ہو رہا ہوں
تیری نگہ کا جب سوں دیوانہ ہو رہا ہوں
اے آشنا کرم سوں یک بار آ درس دے
تجھ باج سب جہاں سوں بیگانہ ہو رہا ہوں
باتاں لگن کی مت پوچھ اے شمع بزم خوبی
مدت سے تجھ جھلک کا پروانہ ہو رہا ہوں
شاید وو گنج خوبی آوے کسی طرف سوں
اس واسطے سراپا ویرانہ ہو رہا ہوں
سودائے زلف خوباں رکھتا ہوں دل میں دائم
زنجیر عاشقی کا دیوانہ ہو رہا ہوں
برجا ہے گر سنوں نئیں ناصح تری نصیحت
میں جام عشق پی کر مستانہ ہو رہا ہوں
کس سوں ولیؔ اپس کا احوال جا کہوں میں
سر تا قدم میں غم سوں غم خانہ ہو رہا ہوں
Main aashiqui mein tab sooñ afsana ho raha hoon
Main aashiqui mein tab sooñ afsana ho raha hoon
Teri nigah ka jab sooñ diwana ho raha hoon
Aye aashna karam sooñ yak baar aa dars de
Tujh baaj sab jahañ sooñ begana ho raha hoon
Baataań lagan ki mat poochh aye shama-e-bazm-e-khoobi
Muddat se tujh jhalak ka parwana ho raha hoon
Shaayad vo ganj khoobi aave kisi taraf sooñ
Is waste sarapa veerana ho raha hoon
Sauda-e-zulf khoobañ rakhta hoon dil mein daem
Zanjeer-e-aashiqui ka diwana ho raha hoon
Barja hai gar suno nahin naseh teri naseehat
Main jaam-e-ishq pi kar mastana ho raha hoon
Kis sooñ Wali apas ka ahwaal ja kahoon main
Sar ta qadam main gham sooñ gham-khana ho raha hoon
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں