مت غصہ کے شعلے سوں جلتے کوں جلاتی جا — ولی محمد ولی
شاعر
مت غصہ کے شعلے سوں جلتے کوں جلاتی جا
مت غصہ کے شعلے سوں جلتے کوں جلاتی جا
ٹک مہر کے پانی سوں تو آگ بجھاتی جا
تجھ چال کی قیمت سوں دل نیں ہے مرا واقف
اے مان بھری چنچل ٹک بھاؤ بتاتی جا
اس رات اندھاری میں مت بھول پڑوں تجھ سوں
ٹک پاؤں کے جھانجھر کی جھنکار سناتی جا
مجھ دل کے کبوتر کوں باندھا ہے تری لٹ نے
یہ کام دھرم کا ہے ٹک اس کو چھڑاتی جا
تجھ مکھ کی پرستش میں گئی عمر مری ساری
اے بت کی پجن ہاری ٹک اس کو پجاتی جا
تجھ عشق میں جل جل کر سب تن کوں کیا کاجل
یہ روشنی افزا ہے انکھیا کو لگاتی جا
تجھ نیہ میں دل جل جل جوگی کی لیا صورت
یک بار اسے موہن چھاتی سوں لگاتی جا
تجھ گھر کی طرف سندر آتا ہے ولیؔ دائم
مشتاق درس کا ہے ٹک درس دکھاتی جا
Mat ghussa ke shole sooñ jalte kooñ jalati ja
Mat ghussa ke shole sooñ jalte kooñ jalati ja
Tak mehr ke paani sooñ tu aag bujhati ja
Tujh chaal ki qeemat sooñ dil nahin hai mera waqif
Aye maan bhari chanchal tak bhaao batati ja
Is raat andhyari mein mat bhool padoon tujh sooñ
Tak paaoñ ke jhaanjhar ki jhankaar sunati ja
Mujh dil ke kabootar kooñ baandha hai teri lat ne
Yeh kaam dharam ka hai tak us kooñ chhudati ja
Tujh mukh ki parastish mein gayi umr meri sari
Aye but ki pujan-hari tak us kooñ bajati ja
Tujh ishq mein jal jal kar sab tan kooñ kiya kaajal
Yeh roshni afza hai ankhiyañ ko lagati ja
Tujh neh mein dil jal jal jogi ki liya soorat
Yak baar use mohan chhati sooñ lagati ja
Tujh ghar ki taraf sundar aata hai Wali daem
Mushtaq-e-dars ka hai tak dars dikhati ja
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں