روح بخشی ہے کام تجھ لب کا — ولی محمد ولی
شاعر
روح بخشی ہے کام تجھ لب کا
روح بخشی ہے کام تجھ لب کا
دم عیسیٰ ہے نام تجھ لب کا
حسن کے خضر نے کیا لبریز
آب حیواں سوں جام تجھ لب کا
منطق و حکمت و معانی پر
مشتمل ہے کلام تجھ لب کا
جنت حسن میں کیا حق نے
حوض کوثر مقام تجھ لب کا
رگ یاقوت کے قلم سوں لکھیں
خط پرستاں پیام تجھ لب کا
سبزہ و برگ و لالہ رکھتے ہیں
شوق دل میں دوام تجھ لب کا
غرق شکر ہوئے ہیں کام و زباں
جب لیا ہوں میں نام تجھ لب کا
مثل یاقوت خط میں ہے شاگرد
ساغر مے مدام تجھ لب کا
ہے ولیؔ کی زباں کو لذت بخش
ذکر ہر صبح و شام تجھ لب کا
Ruh bakhshi hai kaam tujh lab ka
Ruh bakhshi hai kaam tujh lab ka
Dam-e-Isa hai naam tujh lab ka
Husn ke Khizar ne kiya labrez
Ab-e-haiwan son jaam tujh lab ka
Mantiq o hikmat o ma'ani par
Mushtamil hai kalam tujh lab ka
Jannat-e-husn mein kya Haq ne
Hauz-e-kausar maqam tujh lab ka
Rag-e-yaqoot ke qalam son likhein
Khat-e-parastan payam tujh lab ka
Sabza o barg o lala rakhte hain
Shauq-e-dil mein dawam tujh lab ka
Gharq-e-shakar hue hain kaam o zaban
Jab liya hoon main naam tujh lab ka
Misl-e-yaqoot khat mein hai shagird
Saghar-e-mai mudam tujh lab ka
Hai Wali ki zaban ko lazzat bakhsh
Zikr har subh o shaam tujh lab ka
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں