تخت جس بے خانماں کا دشت ویرانی ہوا — ولی محمد ولی
شاعر
تخت جس بے خانماں کا دشت ویرانی ہوا
تخت جس بے خانماں کا دشت ویرانی ہوا
سر اپر اس کے بگولا تاج سلطانی ہوا
کیوں نہ صافی اس کوں حاصل ہو جو مثل آرسی
اپنے جوہر کی حیا سوں سر بسر پانی ہوا
زندگی ہے جس کوں دائم عالم باقی منیں
جلوہ گر کب اس انگے یو عالم فانی ہوا
بیکسی کے حال میں یک آن میں تنہا نہیں
غم ترا سینے میں میرے ہمدم جانی ہوا
اے ولیؔ غیرت سوں سورج کیوں جلے نئیں رات دن
جگ منیں وو ماہ رشک ماہ کنعانی ہوا
Takht jis be-khanaman ka dasht-e-veerani hua
Takht jis be-khanaman ka dasht-e-veerani hua
Sar oopar uske bagola taj-e-saltani hua
Kyon na safi us koñ hasil ho jo misl-e-arsi
Apne jauhar ki haya son sar ba sar paani hua
Zindagi hai jis koñ daayam alam-e-baqi mein
Jalwa-gar kab us aage yu alam-e-fani hua
Bekasi ke haal mein yak aan mein tanha nahin
Gham tera seene mein mere hamdam-e-jani hua
Ae Wali ghairat son suraj kyon jale nahin raat din
Jug mein wo mah rashk-e-mah-e-Kan'ani hua
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے...
مکمل تعارف پڑھیں