بیاض شب و روز پر دستخط تیرے قدموں کے ہوں — وزیر آغا
شاعر
بیاض شب و روز پر دستخط تیرے قدموں کے ہوں
بیاض شب و روز پر دستخط تیرے قدموں کے ہوں
بدن کے پسینے سے قرنوں کے اوراق مہکیں
صبا تیرے رستے سے کنکر ہٹائے
فلک پر گرجتا ہوا گرم بادل
ترے تن کی قوس قزح کا
لرزتا دمکتا ہوا کوئی منظر دکھائے
تجھے ہر قدم پر ملیں منزلیں
ہوا ایک باریک سے تیز چابک کی صورت
تری بند مٹھی میں دبکی رہے
سدا تجھ کو حیرت سے دیکھے زمانہ
تو بہتے ہوئے تیز دھاروں کی منزل بنے
بادباں سارے تیری ہی جانب کھلیں
اور افق کی منڈیروں پہ کونجوں کی لمبی قطاریں
تری منتظر ہوں
اگر میں زمیں کے سیہ تنگ پاتال میں گر بھی جاؤں تو کیا ہے
تجھے تو زمیں کورے کاغذ کی صورت ملے
بیاض شب و روز پر دستخط ترے قدموں کے ہوں
چہکتے ہوئے تینوں نٹکھٹ زمانے
ترے گرد ناچیں
تو بنسی کی تانوں سے ہر شے کو پاگل کرے نذر آتش کرے
توڑ ڈالے
مگر خود نہ ٹوٹے
مگر خود نہ ٹوٹے
کبھی تو نہ ٹوٹے
Bayaz-e-shab-o-roz par dastkhat tere qadmon ke hon
Bayaz-e-shab-o-roz par dastkhat tere qadmon ke hon
Badan ke paseene se qarnon ke awraq mehkain
Saba tere raste se kankar hataye
Falak par garajta hua garam badal
Tere tan ki qaus-e-quzah ka
Larazta damakta hua koi manzar dikhaye
Tujhe har qadam par milen manzilein
Hawa ek bareek se tez chaabuk ki soorat
Teri band mutthi mein dabki rahe
Sada tujh ko hairat se dekhe zamana
Tu behte hue tez dhaaron ki manzil bane
Baadbaan sare teri hi janib khulen
Aur ufaq ki mundeeron pe koonjon ki lambi qatarein
Teri muntazir hon
Agar main zameen ke siyah tang pataal mein gir bhi jaun to kya hai
Tujhe to zameen koore kaghaz ki soorat mile
Bayaz-e-shab-o-roz par dastkhat tere qadmon ke hon
Chehakte hue teeno natkhat zamane
Tere gird naachein
Tu bansi ki taanon se har shai ko paagal kare nazr-e-aatish kare
Tod daale
Magar khud na toote
Magar khud na toote
Kabhi tu na toote
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں