تم جو آتے ہو — وزیر آغا
شاعر
تم جو آتے ہو
تم جو آتے ہو
تو کچھ بھی نہیں رہتا موجود
تم چلے جاتے ہو
اور بولنے لگتے ہیں تمام
ادھ کھلے پھول
سماعت پہ جمی چاپ ہوا بند مکان
گفتگو کرنے کے آسن میں رکے سب اجسام
مردہ لمحات کا اک ڈھیر پہاڑ
ابر کی قاش اٹھی موج کا ساکت اندام
برف لب پلکوں پہ ٹانکے ہوئے موتی آنسو
اور سلے کانوں میں آواز کی سوئیاں بے جان
یک بیک بولنے لگتے ہیں تمام
زندگی بننے میں ہو جاتی ہے پھر سے مصروف
وقت ہو جاتا ہے پھر خاک بہ سر بے آرام
ایک پنچھی جسے اڑتے چلے جانا ہے خدا جانے کہاں
اور میں تنکوں کے بکھرے ہوئے بستر کی طرح
منتظر لوٹ کے تم آؤ کسی روز یہاں
پھر ہوں اک بار معطل
یہ زمیں اور زماں
Tum jo aate ho
Tum jo aate ho
To kuch bhi nahin rehta maujood
Tum chale jaate ho
Aur bolne lagte hain tamaam
Adh khile phool
Samaat pe jami chaap hawa band makaan
Guftagoo karne ke aasan mein rakhe sab ajsaam
Murda lamhaat ka ek dher pahad
Abr ki qaash uthi mauj ka saakit andaam
Barf lab palkon pe taanke hue moti aansoo
Aur sile kaanon mein aawaz ki suiyan be-jaan
Yak bayak bolne lagte hain tamaam
Zindagi ban'ne mein ho jaati hai phir se masroof
Waqt ho jata hai phir khaak ba-sar be-araam
Ek panchi jise udte chale jana hai Khuda jaane kahan
Aur main tinkon ke bikhre hue bistar ki tarah
Muntazir laut ke tum aao kisi roz yahan
Phir hon ek baar muattal
Yeh zameen aur zamaan
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں