ساری عمر گنوا دی ہم نے — وزیر آغا
شاعر
ساری عمر گنوا دی ہم نے
ساری عمر گنوا دی ہم نے
پر اتنی سی بات بھی ہم نہ جان سکے
کھڑکی کا پٹ کھلتے ہی جو
لش لش کرتا
ایک چمکتا منظر ہم کو دکھتا ہے
کیا وہ منظر
کھڑکی کی چوکھٹ سے باہر
سبز پہاڑی کے قدموں میں
اک شفاف ندی سے چمٹے
پتھر پر چپ چاپ کھڑے
اک پیکر کا گم صم منظر ہے
جس کو کھڑکی کے کھلنے نہ کھلنے سے
کچھ غرض نہیں ہے
یا ہم
کھڑکی کے اندر کا منظر دیکھ رہے ہیں
ساری عمر گنوا دی ہم نے
Sari umr ganwa di hum ne
Sari umr ganwa di hum ne
Par itni si baat bhi hum na jaan sake
Khidki ka pat khulte hi jo
Lash lash karta
Ek chamakta manzar hum ko dikhta hai
Kya woh manzar
Khidki ki chaukhat se bahar
Sabz pahadi ke qadmon mein
Ek shaffaf nadi se chimte
Patthar par chup chaap khade
Ek paikar ka gum-sum manzar hai
Jis ko khidki ke khulne na khulne se
Kuch gharaz nahin hai
Ya hum
Khidki ke andar ka manzar dekh rahe hain
Sari umr ganwa di hum ne
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں