دن ڈھل چکا تھا اور پرندہ سفر میں تھا — وزیر آغا
شاعر
دن ڈھل چکا تھا اور پرندہ سفر میں تھا
دن ڈھل چکا تھا اور پرندہ سفر میں تھا
سارا لہو بدن کا رواں مشت پر میں تھا
جاتے کہاں کہ رات کی بانہیں تھیں مشتعل
چھپتے کہاں کہ سارا جہاں اپنے گھر میں تھا
حد افق پہ شام تھی خیمے میں منتظر
آنسو کا اک پہاڑ سا حائل نظر میں تھا
لو وہ بھی خشک ریت کے ٹیلے میں ڈھل گیا
کل تک جو ایک کوہ گراں رہ گزر میں تھا
اترا تھا وحشی چڑیوں کا لشکر زمین پر
پھر اک بھی سبز پات نہ سارے نگر میں تھا
پاگل سی اک صدا کسی اجڑے مکاں میں تھی
کھڑکی میں اک چراغ بھری دوپہر میں تھا
اس کا بدن تھا خوف کی حدت سے شعلہ وش
سورج کا اک گلاب سا طشت سحر میں تھا
Din dhal chuka tha aur parinda safar mein tha
Din dhal chuka tha aur parinda safar mein tha
Sara lahoo badan ka rawaan musht-e-par mein tha
Jaate kahan ke raat ki baahein theen mushta'il
Chhupte kahan ke sara jahan apne ghar mein tha
Hadd-e-ufuq pe shaam thi khaime mein muntazir
Aansoo ka ek pahad sa haa'il nazar mein tha
Lo woh bhi khushk ret ke teele mein dhal gaya
Kal tak jo ek koh-e-giraan rehguzar mein tha
Utra tha wahshi chidiyon ka lashkar zameen par
Phir ek bhi sabz paat na sare nagar mein tha
Paagal si ek sada kisi ujde makaan mein thi
Khidki mein ek charagh Bhari dopahar mein tha
Uska badan tha khauf ki hiddat se shola-wash
Suraj ka ek gulab sa tasht-e-sehar mein tha
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں