منظر تھا راکھ اور طبیعت اداس تھی — وزیر آغا
شاعر
منظر تھا راکھ اور طبیعت اداس تھی
منظر تھا راکھ اور طبیعت اداس تھی
ہر چند تیری یاد مرے آس پاس تھی
میلوں تھی اک جھلستی ہوئی دوپہر کی قاش
سینے میں بند سینکڑوں صدیوں کی پیاس تھی
اٹھے نہا کے شعلوں میں اپنے تو یہ کھلا
سارے جہاں میں پھیلی ہوئی تیری باس تھی
کیسے کہوں کہ میں نے کہاں کا سفر کیا
آکاش بے چراغ زمیں بے لباس تھی
اب دھول میں اٹی ہوئی راہوں پہ ہے سفر
وہ دن گئے کہ پاؤں تلے نرم گھاس تھی
Manzar tha raakh aur tabiyat udaas thi
Manzar tha raakh aur tabiyat udaas thi
Har chand teri yaad mere aas paas thi
Meelon thi ek jhulasti hui dopahar ki qaash
Seene mein band sainkdon sadiyon ki pyas thi
Uth naha ke sholon mein apne to yeh khula
Sare jahan mein phaili hui teri baas thi
Kaise kahoon ke maine kahan ka safar kiya
Aakash be-charagh zameen be-libas thi
Ab dhool mein atti hui raahon pe hai safar
Woh din gaye ke paon tale narm ghaas thi
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں