سکھا دیا ہے زمانے نے بے بصر رہنا — وزیر آغا
شاعر
سکھا دیا ہے زمانے نے بے بصر رہنا
سکھا دیا ہے زمانے نے بے بصر رہنا
خبر کی آنچ میں جل کر بھی بے خبر رہنا
سحر کی اوس سے کہنا کہ ایک پل تو رکے
کہ ناپسند ہے ہم کو بھی خاک پر رہنا
تمام عمر ہی گزری ہے دستکیں سنتے
ہمیں تو راس نہ آیا خود اپنے گھر رہنا
وہ خوش کلام ہے ایسا کہ اس کے پاس ہمیں
طویل رہنا بھی لگتا ہے مختصر رہنا
سفر عزیز ہوا کو مگر عزیز ہمیں
مثال نکہت گل اس کا ہم سفر رہنا
شجر پہ پھول تو آتے رہے بہت لیکن
سمجھ میں آ نہ سکا اس کا بے ثمر رہنا
عجیب طرز تکلم ہے اس کی آنکھوں کا
خموش رہ کے بھی لفظوں کی دھار پر رہنا
ورق ورق نہ سہی عمر رائیگاں میری
ہوا کے ساتھ مگر تم نہ عمر بھر رہنا
ذرا سی ٹھیس لگی اور گھر کو اوڑھ لیا
کہاں گیا وہ تمہارا نگر نگر رہنا
Sikha diya hai zamane ne be-basar rehna
Sikha diya hai zamane ne be-basar rehna
Khabar ki aanch mein jal kar bhi be-khabar rehna
Sehar ki os se kehna ke ek pal to ruke
Ke na-pasand hai hum ko bhi khaak par rehna
Tamaam umr hi guzri hai dastaken sunte
Hamein to raas na aaya khud apne ghar rehna
Woh khush-kalaam hai aisa ke us ke paas hamein
Taveel rehna bhi lagta hai mukhtasar rehna
Safar azeez hawa ko magar azeez hamein
Misaal-e-nikhat-e-gul us ka hum-safar rehna
Shajar pe phool to aate rahe bahut lekin
Samajh mein aa na saka us ka be-samar rehna
Ajeeb tarz-e-takallum hai us ki aankhon ka
Khamosh reh ke bhi lafzon ki dhaar par rehna
Waraq waraq na sahi umr-e-raigan meri
Hawa ke saath magar tum na umr bhar rehna
Zara si thes lagi aur ghar ko odh liya
Kahan gaya woh tumhara nagar nagar rehna
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں