اس کی آواز میں تھے سارے خد و خال اس کے — وزیر آغا
شاعر
اس کی آواز میں تھے سارے خد و خال اس کے
اس کی آواز میں تھے سارے خد و خال اس کے
وہ چہکتا تھا تو ہنستے تھے پر و بال اس کے
زرد رو ایک ہی پل میں ہوئی مدھ ماتی شام
لال ہونے بھی نہ پائے تھے ابھی گال اس کے
کہکشاؤں میں تڑپتے تھے ستاروں کے پرند
سبز آکاش پہ ہر سو تھے بچھے جال اس کے
کاٹ ہی لیں گے جدائی کا زمانہ ہم تو
دیکھیے کیسے گزرتے ہیں مہ و سال اس کے
ایک دن ہم بھی کھلے اس کی حسیں راہوں میں
ایک دن پاؤں میں ہم بھی ہوئے پامال اس کے
چاندنی اس کا بدن چاند ہے اس کا چہرہ
کھیتیاں دھان کی آنکھوں کے حسیں تال اس کے
رت جگا ہم بھی منائیں کہ سنا ہے ہم نے
روز لکھتی ہے سحر خون سے احوال اس کے
Uski aawaz mein the sare khad-o-khaal uske
Uski aawaz mein the sare khad-o-khaal uske
Woh chehakta tha to hanste the par-o-baal uske
Zard ro ek hi pal mein hui madh-mati sham
Laal hone bhi na paaye the abhi gaal uske
Kehkashaon mein tadapte the sitaron ke parind
Sabz aakash pe har su the bichhe jaal uske
Kaat hi lenge judai ka zamana hum to
Dekhiye kaise guzarte hain mah-o-saal uske
Ek din hum bhi khule uski haseen rahon mein
Ek din paon mein hum bhi hue pamaal uske
Chandni uska badan chand hai uska chehra
Khetiyan dhan ki aankhon ke haseen taal uske
Rat jaga hum bhi manayein ke suna hai humne
Roz likhti hai sehar khoon se ahwal uske
شاعر کے بارے میں
ڈاکٹر وزیر آغا 18 مئی 1922 کو ضلع سرگودھا کے گاؤں وزیر کوٹ میں پیدا ہوئے۔ ابتدائی تعلیم گورنمنٹ ہائی اسکول سے حاصل کی اور بعد میں گورنمنٹ کالج جھنگ...
مکمل تعارف پڑھیں