چمکے گا ابھی میرے خیالات سے آگے — ظفراقبال
شاعر
چمکے گا ابھی میرے خیالات سے آگے
چمکے گا ابھی میرے خیالات سے آگے
وہ نقش کہ تھا داغ ملاقات سے آگے
لگتا ہے کہ مشکل ہے ابھی دن کا نکلنا
ہے رات کوئی اور بھی اس رات سے آگے
اس وہم سے واپس نہیں پلٹا ہوں کہ ہوگا
کچھ اور بھی اس خواب طلسمات سے آگے
آرام سے پیچھے وہ ہٹا دیتا ہے مجھ کو
بڑھتا ہوں اگر اس کی ہدایات سے آگے
دوران سفر کرتا ہوں آرام بھی لیکن
ہوتا ہوں ٹھہرنے کے مقامات سے آگے
عقدہ اسی خاطر کوئی ہوتا ہی نہیں حل
ہیں سارے سوالات جوابات سے آگے
آگاہ کیا ہے تو ہوئے اور بھی غافل
واقف جو نہیں تھے مرے حالات سے آگے
ہو سکتا ہے کیا کوئی بھلا ان کے برابر
رہتے ہیں جو خود اپنے بیانات سے آگے
اتنا بھی بہت ہے جو ظفرؔ قحط نوا میں
نکلی ہے کوئی بات مری بات سے آگے
Chamkega abhi mere khayalaat se aage
Chamkega abhi mere khayalaat se aage
Wo naqsh ki tha dagh-e-mulaqat se aage
Lagta hai ki mushkil hai abhi din ka nikalna
Hai raat koi aur bhi is raat se aage
Is wehem se wapas nahin palta huun ki hoga
Kuch aur bhi is khwab-e-tilismat se aage
Aaram se pichhe wo hata deta hai mujh ko
Badhta huun agar us ki hidayat se aage
Dauran-e-safar karta huun aaram bhi lekin
Hota huun theharne ke maqamat se aage
Uqda isi khatir koi hota hi nahin hal
Hain sare sawalaat jawabaat se aage
Agah kiya hai to hue aur bhi ghafil
Waqif jo nahin the mere halaat se aage
Ho sakta hai kya koi bhala un ke barabar
Rehte hain jo khud apne bayanat se aage
Itna bhi bahut hai jo Zafar qahat-e-nawa mein
Nikli hai koi baat meri baat se aage
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں