شمار ہونا ہے یا بے شمار ہونا ہے — ظفراقبال
شاعر
شمار ہونا ہے یا بے شمار ہونا ہے
شمار ہونا ہے یا بے شمار ہونا ہے
یہی ہمارا نہ ہونا ہزار ہونا ہے
ابھی نہیں تجھے کر سکتے یاد چل پھر کر
پڑے پڑے ہی تیرا انتظار ہونا ہے
رکیں گے کیا ترے دریا کے درمیان میں اب
کہ آر ہونا ہے یا ہم نے پار ہونا ہے
ابھی تو ہم نے اٹھانا ہے اور بھی نقصان
ابھی تو اور بہت کاروبار ہونا ہے
ہمارے خواب نے چلنا ہے کارواں بن کر
ہماری خاک نے آخر غبار ہونا ہے
کبھی تو کرنا پڑے گا ہمارے ساتھ انصاف
کبھی تو آپ نے ایماندار ہونا ہے
ہماری پہلے ہی صحت خراب ہے اتنی
ابھی تمہارے مرض کا شکار ہونا ہے
کبھی تو آئے گی باری ہماری آخر کار
تری دکان کے باہر قطار ہونا ہے
ظفر کے ہاتھ بھی خالی ہیں اور دل بھی مگر
اسی نے آپ کا امیدوار ہوتا ہے
Shumar hona hai ya be-shumar hona hai
Shumar hona hai ya be-shumar hona hai
Yahi hamara na hona hazaar hona hai
Abhi nahin tujhe kar sakte yaad chal phir kar
Pade pade hi tera intizaar hona hai
Rukenge kya tere darya ke darmiyaan mein ab
Ke paar hona hai ya hum ne paar hona hai
Abhi to hum ne uthana hai aur bhi nuqsaan
Abhi to aur bahut kaarobar hona hai
Hamare khwab ne chalna hai karwaan ban kar
Hamari khaak ne akhir ghubaar hona hai
Kabhi to karna padega hamare saath insaaf
Kabhi to aap ne imandaar hona hai
Hamari pehle hi sehat kharab hai itni
Abhi tumhare marz ka shikaar hona hai
Kabhi to aayegi baari hamari akhir kaar
Teri dukan ke bahar qataar hona hai
Zafar ke haath bhi khaali hain aur dil bhi magar
Isi ne aap ka ummeedwaar hota hai
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں