دل کا یہ دشت عرصۂ محشر لگا مجھے — ظفراقبال
شاعر
دل کا یہ دشت عرصۂ محشر لگا مجھے
دل کا یہ دشت عرصۂ محشر لگا مجھے
میں کیا بلا ہوں رات بڑا ڈر لگا مجھے
آگے بھی عشق میں ہوئیں رسوائیاں مگر
اب کے وفا کا زخم جبیں پر لگا مجھے
اے دل وہ مہرباں ہے یوں ہی بد گماں نہ ہو
مارا تھا اس نے غیر کو پتھر لگا مجھے
ہر سو ترے وجود کی خوشبو تھی خیمہ زن
وہ دن کہ اپنا گھر بھی ترا گھر لگا مجھے
ہنس کر نہ ٹال جا کہ یہ امید کی کرن
وہ تیر ہے کہ سینے کے اندر لگا مجھے
تاریکیٔ حیات کا اندازہ کر کہ آج
داغ شکست مہر منور لگا مجھے
سانچے تو تھے غزل کے سوا بھی مگر ظفرؔ
کیا جانے کیوں یہ ظرف حسین تر لگا مجھے
Dil ka ye dasht arsa-e-mahshar laga mujhe
Dil ka ye dasht arsa-e-mahshar laga mujhe
Main kya bala huun raat bada dar laga mujhe
Aage bhi ishq mein huin ruswaiyan magar
Ab ke wafa ka zakhm jabeen par laga mujhe
Aye dil wo mehrban hai yuun hi bad-guman na ho
Mara tha us ne ghair ko patthar laga mujhe
Har soo tere wujood ki khushbu thi khaima-zan
Wo din ki apna ghar bhi tera ghar laga mujhe
Hans kar na taal ja ki ye ummeed ki kiran
Wo teer hai ki seene ke andar laga mujhe
Tareeki-e-hayat ka andaza kar ki aaj
Dagh-e-shikast-e-mehr-e-munawwar laga mujhe
Sanche to the ghazal ke siwa bhi magar Zafar
Kya jaane kyun ye zarf haseen-tar laga mujhe
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں