فغاں بھی چھوڑ دی فریاد بھی نہیں کریں گے — ظفراقبال
شاعر
فغاں بھی چھوڑ دی فریاد بھی نہیں کریں گے
فغاں بھی چھوڑ دی فریاد بھی نہیں کریں گے
جو وہ کہے تو اسے یاد بھی نہیں کریں گے
کھلیں گے آپ کی آواز کے گلاب کبھی
اگرچہ آپ کچھ ارشاد بھی نہیں کریں گے
جو تیرے ہوتے ہوئے کر سکے نہ ڈھنگ سے ہم
وہ کاروبار ترے بعد بھی نہیں کریں گے
خوشی جو دے نہ سکے کوئی سر پھرے دل کو
تو بے سبب اسے ناشاد بھی نہیں کریں گے
جئیں گے دیکھنے کو تیری خامشی کی حدیں
ہم اپنے آپ کو برباد بھی نہیں کریں گے
ظفرؔ کہ بلبل گستاخ بھی ہے گلشن کا
اسے حوالۂ صیاد بھی نہیں کریں گے
Fughaan bhi chhoR di faryaad bhi nahin karein ge
Fughaan bhi chhoR di faryaad bhi nahin karein ge
Jo woh kahe toh use yaad bhi nahin karein ge
Khulein ge aap ki awaaz ke gulaab kabhi
Agarcha aap kuch irshaad bhi nahin karein ge
Jo tere hote hue kar sake na Dhang se hum
Woh kaarobar tere baad bhi nahin karein ge
Khushi jo de na sake koi sar phire dil ko
Toh be sabab use nashad bhi nahin karein ge
Jiyein ge dekhne ko teri khamoshi ki haddein
Hum apne aap ko barbaad bhi nahin karein ge
Zafar! ke bulbul gustaakh bhi hai gulshan ka
Use hawala-e-sayyaad bhi nahin karein ge
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں