جیسے تیسے رہ جاتا ہے — ظفراقبال
شاعر
جیسے تیسے رہ جاتا ہے
جیسے تیسے رہ جاتا ہے
سب کچھ ایسے رہ جاتا ہے
لاش ابھر آتی ہے اوپر
پانی نیچے رہ جاتا ہے
میں ہی نکل جاتا ہوں آگے
قاری پیچھے رہ جاتا ہے
کام جو وقت پہ کیا نہ جائے
رہتے رہتے رہ جاتا ہے
رہنے پر آ جائے تو وہ
کسی بہانے رہ جاتا ہے
سوچے سمجھے وہ نہ رہے تو
بھولے بھٹکے رہ جاتا ہے
تیز بہت چلنے والا بھی
آدھے رستے رہ جاتا ہے
بات وہ کیا ہے جسے ظفرؔ تو
کہتے کہتے رہ جاتا ہے
Jaise taise reh jaata hai
Jaise taise reh jaata hai
Sab kuch aise reh jaata hai
Laash ubhar aati hai oopar
Paani neeche reh jaata hai
Main hi nikal jaata hoon aage
Qari peeche reh jaata hai
Kaam jo waqt pe kiya na jaaye
Rehte rehte reh jaata hai
Rehne par aa jaaye toh woh
Kisi bahane reh jaata hai
Soche samjhe woh na rahe toh
Bhoole bhaTke reh jaata hai
Tez bohat chalne wala bhi
Aadhe raste reh jaata hai
Baat woh kya hai jise Zafar!
Kehte kehte reh jaata hai
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں