خوش بہت پھرتے ہیں وہ گھر میں تماشا کر کے — ظفراقبال
شاعر
خوش بہت پھرتے ہیں وہ گھر میں تماشا کر کے
خوش بہت پھرتے ہیں وہ گھر میں تماشا کر کے
کام نکلا تو ہے ان کا مجھے رسوا کر کے
روک رکھنا تھا ابھی اور یہ آواز کا رس
بیچ لینا تھا یہ سودا ذرا مہنگا کر کے
اس طرف کام ہمارا تو نہیں ہے کوئی
آ نکلتے ہیں کسی شام تمہارا کر کے
مٹ گئی ہے کوئی مڑتی ہوئی سی موج ہوا
چھپ گیا ہے کوئی تارا سا اشارا کر کے
فرق اتنا نہ سہی عشق و ہوس میں لیکن
میں تو مر جاؤں ترا رنگ بھی میلا کر کے
صاف و شفاف تھی پانی کی طرح نیت دل
دیکھنے والوں نے دیکھا اسے گدلا کر کے
شوق سے کیجیے اور دیر نہ فرمائیے گا
کچھ اگر آپ کو مل جائے گا ایسا کر کے
یوں بھی سجتی ہے بدن پر یہ محبت کیا کیا
کبھی پہنوں اسی ملبوس کو الٹا کر کے
مجھ سے چھڑوائے مرے سارے اصول اس نے ظفرؔ
کتنا چالاک تھا مارا مجھے تنہا کر کے
Khush bohat phirte hain woh ghar mein tamasha kar ke
Khush bohat phirte hain woh ghar mein tamasha kar ke
Kaam nikla toh hai un ka mujhe ruswa kar ke
Rok rakhna tha abhi aur yeh awaaz ka rass
Bech lena tha yeh sauda zara mehanga kar ke
Is taraf kaam humara toh nahin hai koi
Aa nikalte hain kisi shaam tumhara kar ke
MiT gayi hai koi muRti hui si mauj hawa
Chhap gaya hai koi taara sa ishara kar ke
Farq itna na sahi ishq-o-hawas mein lekin
Main toh mar jaaon tera rang bhi maila kar ke
Saaf-o-shaffaaf thi paani ki tarah niyat-e-dil
Dekhne walon ne dekha use gudhla kar ke
Shauq se keejiye aur der na farmaaiye ga
Kuch agar aap ko mil jaaye ga aisa kar ke
Yoon bhi sajti hai badan par yeh mohabbat kya kya
Kabhi pehnu isee malboos ko ulTa kar ke
Mujh se chhuRwaaye mere saare usool us ne Zafar!
Kitna chaalaak tha maara mujhe tanha kar ke
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں