خوشی ملی تو یہ عالم تھا بدحواسی کا — ظفراقبال
شاعر
خوشی ملی تو یہ عالم تھا بدحواسی کا
خوشی ملی تو یہ عالم تھا بدحواسی کا
کہ دھیان ہی نہ رہا غم کی بے لباسی کا
چمک اٹھے ہیں جو دل کے کلس یہاں سے ابھی
گزر ہوا ہے خیالوں کی دیو داسی کا
گزر نہ جا یوں ہی رخ پھیر کر سلام تو لے
ہمیں تو دیر سے دعوی ہے روشناسی کا
خدا کو مان کہ تجھ لب کے چومنے کے سوا
کوئی علاج نہیں آج کی اداسی کا
گرے پڑے ہوئے پتوں میں شہر ڈھونڈتا ہے
عجیب طور ہے اس جنگلوں کے باسی کا
Khushi mili toh yeh aalam tha badhawasi ka
Khushi mili toh yeh aalam tha badhawasi ka
Ke dhiyan hi na raha gham ki be-libaasi ka
Chamak uTthe hain jo dil ke kulas yahan se abhi
Guzar hua hai khayalon ki dev-daasi ka
Guzar na ja yunhi rukh pher kar salaam toh le
Hamein toh der se daawa hai roshnaasi ka
Khuda ko maan ke tujh lab ke choomne ke siwa
Koi ilaaj nahin aaj ki udaasi ka
Gire paRe hue patton mein shehr DhoonDta hai
Ajeeb Taur hai us jangaloon ke baasi ka
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں