نہیں کہ ملنے ملانے کا سلسلہ رکھنا — ظفراقبال
شاعر
نہیں کہ ملنے ملانے کا سلسلہ رکھنا
نہیں کہ ملنے ملانے کا سلسلہ رکھنا
کسی بھی سطح پہ کوئی تو رابطہ رکھنا
مریں گے لوگ ہمارے سوا بھی تم پہ بہت
یہ جرم ہے تو پھر اس جرم کی سزا رکھنا
مدد کی تم سے توقع تو خیر کیا ہوگی
غریبِ شہرِ ستم ہوں' مرا پتا رکھنا
بس ایک شام ہمیں چاہیے' نہ پوچھنا کیوں
یہ بات اور کسی شام پر اٹھا رکھنا
نئے سفر پر روانہ ہوا ہوں از سرِ نو
جب آؤں گا تو مرا نام بھی نیا رکھنا
فصیلِ شوق اٹھانا' ظفر ضرور مگر
کسی طرف نکلنے کا راستا رکھنا
Nahin ki milne milane ka silsila rakhna
Nahin ki milne milane ka silsila rakhna
Kisi bhi satah pe koi to rabta rakhna
Marenge log hamare siwa bhi tum pe bahut
Ye jurm hai to phir is jurm ki saza rakhna
Madad ki tum se tawaqqo to khair kya hogi
Ghareeb-e-shehr-e-sitam huun' mira pata rakhna
Bas ek shaam hamen chahiye' na puchhna kyun
Ye baat aur kisi shaam par utha rakhna
Naye safar par rawana hua huun az sar-e-nau
Jab aaunga to mira naam bhi naya rakhna
Faseel-e-shauq uthana' Zafar zarur magar
Kisi taraf nikalne ka rasta rakhna
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں