رات اندھیری ہے اور کوئی جگنو نہیں مل رہا — ظفراقبال
شاعر
رات اندھیری ہے اور کوئی جگنو نہیں مل رہا
رات اندھیری ہے اور کوئی جگنو نہیں مل رہا
دشت کیسا ہے یہ جس میں آہو نہیں مل رہا
جس سے ظاہر ہو اس کو خبر ہے مرے حال کی
بات میں کوئی بھی ایسا پہلو نہیں مل رہا
کیا کہیں اور بھی کتنی چیزوں سے محروم ہوں
صرف اتنا نہیں ہے کہ بس تو نہیں مل رہا
ایک ہاری ہوئی اپنی ہمت کی ہے جستجو
اور کھویا ہوا زور بازو نہیں مل رہا
اس ملاقات میں ایک ہونے کی خواہش نہ تھی
اس جدائی میں رونے کو آنسو نہیں مل رہا
کیا ہوا تھی کہ لوگوں کو پتے سے بکھرا گئی
سب پریشان ہیں کوئی یکسو نہیں مل رہا
اس قدر شیون و شور کچھ بے سبب تو نہیں
کوئی دکھ ہے کہیں جس کا دارو نہیں مل رہا
زندگی ہے سمندر کے رحم و کرم پر ظفرؔ
کیسی کشتی ہے یہ جس کو چپو نہیں مل رہا
Raat andheri hai aur koi jugnu nahin mil raha
Raat andheri hai aur koi jugnu nahin mil raha
Dasht kaisa hai ye jis mein aahu nahin mil raha
Jis se zahir ho us ko khabar hai mere haal ki
Baat mein koi bhi aisa pehlu nahin mil raha
Kya kahin aur bhi kitni cheezon se mehroom huun
Sirf itna nahin hai ki bas tu nahin mil raha
Ek haari hui apni himmat ki hai justuju
Aur khoya hua zor-e-bazu nahin mil raha
Is mulaqat mein ek hone ki khwahish na thi
Is judai mein rone ko aansu nahin mil raha
Kya hawa thi ki logon ko patte se bikhra gayi
Sab pareshan hain koi yaksoo nahin mil raha
Is qadar shiyon o shor kuch be-sabab to nahin
Koi dukh hai kahin jis ka daru nahin mil raha
Zindagi hai samandar ke rehm o karam par Zafar
Kaisi kashti hai ye jis ko chappu nahin mil raha
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں