رخ زیبا ادھر نہیں کرتا — ظفراقبال
شاعر
رخ زیبا ادھر نہیں کرتا
رخ زیبا ادھر نہیں کرتا
چاہتا ہے مگر نہیں کرتا
سوچتا ہے مگر سمجھتا نہیں
دیکھتا ہے نظر نہیں کرتا
بند ہے اس کا در اگر مجھ پر
کیوں مجھے در بدر نہیں کرتا
حرف انکار اور اتنا طویل
بات کو مختصر نہیں کرتا
نہ کرے شہر میں وہ ہے تو سہی
مہربانی اگر نہیں کرتا
حسن اس کا اسی مقام پہ ہے
یہ مسافر سفر نہیں کرتا
جا کے سمجھائیں کیا اسے کہ ظفرؔ
تو بھی تو درگزر نہیں کرتا
Rukh-e-zayba idhar nahin karta
Rukh-e-zayba idhar nahin karta
Chahta hai magar nahin karta
Sochta hai magar samajhta nahin
Dekhta hai nazar nahin karta
Band hai us ka dar agar mujh par
Kyun mujhe dar badar nahin karta
Harf-e-inkaar aur itna taweel
Baat ko mukhtasar nahin karta
Na kare shehr mein woh hai toh sahi
Meharbaani agar nahin karta
Husn us ka isi muqaam pe hai
Yeh musafir safar nahin karta
Ja ke samjhaayein kya use ke Zafar!
Tu bhi toh darguzar nahin karta
شاعر کے بارے میں
ظفر اقبال اردو غزل کے اُن عظیم شاعروں میں شمار ہوتے ہیں جنہوں نے نصف صدی سے زیادہ عرصے تک مسلسل تخلیقی سفر جاری رکھا۔ 27 ستمبر 1932ء کو بہاول نگر ...
مکمل تعارف پڑھیں