روش روش پہ ہیں نکہت فشاں گلاب کے پھول — آواز: حمایت اللہ | شاعر: مجید امجد
مقرر / سپیکر
روش روش پہ ہیں نکہت فشاں گلاب کے پھول
روش روش پہ ہیں نکہت فشاں گلاب کے پھول
حسیں گلاب کے پھول ارغواں گلاب کے پھول
جہان گریۂ شبنم سے کس غرور کے ساتھ
گزر رہے ہیں تبسم کناں گلاب کے پھول
یہ میرا دامن صد چاک یہ ردائے بہار
یہاں شراب کے چھینٹے وہاں گلاب کے پھول
خیال یار ترے سلسلے نشوں کی رتیں
جمال یار تری جھلکیاں گلاب کے پھول
مری نگاہ میں دور زماں کی ہر کروٹ
لہو کی لہر دلوں کا دھواں گلاب کے پھول
سلگتے جاتے ہیں چپ چاپ ہنستے جاتے ہیں
مثال چہرۂ پیغمبراں گلاب کے پھول
یہ کیا طلسم ہے یہ کس کی یاسمیں بانہیں
چھڑک گئی ہیں جہاں در جہاں گلاب کے پھول
کٹی ہے عمر بہاروں کے سوگ میں امجدؔ
مری لحد پہ کھلیں جاوداں گلاب کے پھول
شاعر: مجید امجد
آواز: حمایت اللہ
Rawish rawish pe hain nikhat-fishaan gulaab ke phool
Rawish rawish pe hain nikhat-fishaan gulaab ke phool
Haseen gulaab ke phool, arghawaan gulaab ke phool
Jahan girya-e-shabnam se kis ghuroor ke saath
Guzar rahe hain tabassum kunaan gulaab ke phool
Ye mera daaman-e-sad-chaak, ye rida-e-bahar
Yahan sharab ke chheente, wahan gulaab ke phool
Khayal-e-yaar tere silsile, nashvon ki riten
Jamal-e-yaar teri jhalakiyan, gulaab ke phool
Meri nigah mein daur-e-zaman ki har karwat
Lahu ki lahar, dilon ka dhuaan, gulaab ke phool
Sulagte jaate hain chup chap, hanste jaate hain
Misaal-e-chehra-e-paighambaraan gulaab ke phool
Ye kya tilism hai, ye kis ki yasmeen banhen
Chhidak gayi hain jahan dar jahan gulaab ke phool
Kati hai umr baharon ke sog mein Amjad!
Meri lahad pe khilen jaavdaan gulaab ke phool